الوجبات الفاسدة

لو فى اكل فاسد قدام ابنك.. هل هتسيبه ياكله؟ ولا هتمنعه؟! 

ده غذاء البطن واكيد هتخاف على ابنك منه 

برضه غذاء العقل والروح ممكن يبقى فاسد من الوجبات الفاسده الى اطفالنا بيشوفها على الشاشات

احذروا كل الحذر من تأثير الشاشات على اطفالكم💣💣💣

خصوصا واننا دخلنا فى الاجازة الصيفية وهيبقى الاطفال عندهم وقت فراغ كبير⏳⏳

حددوا وقت للشاشات وباقى الوقت اشتغلوا معاهم فى انشطة.. ⛹️‍♀️🚴‍♀️🤸‍♂️🏀⚽🎾

فى زيارات عائلية.. 🧕👨‍🦳👩‍🦳

فى العاب جماعيه 🧩🎨🎮🎯(هتلاقوه البوم  على الصفحه اسمه switch off فى افكار لالعاب كتير ممكن نلعبها مع اطفالنا وهتستمتعوا اوى معاهم بس جربوا) 🥰🥰

 فى وقت نقضيه سوا فى البيت نعمل حاجه مميزة وادوله اسم ال (we time) 🤩🤩🤩

نقعد نلعب فيه او نختار حاجه نتفرج عليها سوا.. او نقعد نحكى سوا ❤❤انا عن نفسى بستمتع جدا بقعده الحكاوى لما بعملها مع ولادى وافضل احكلهم على ذكرياتى واى مواقف كانت بتحصلى 🤩🤩

حددوا هدف انهم يطلعوا من الاجازة احسن منزما دخلوها..يطلعوا  متعلمين حاجه جديدة  ... بانيين معاكوا علاقات جديدة... عندهم افكار جديدة.. 

وافتكروا ان اهم استثمارات حياتك هى استثمارك فى اولادك 💕💕💕

ربنا يحفظهم ويبارك فيهم جميعا

نماذج للالعاب الجماعيه الى ممكن نلعبها  مع اطفالنا

*البازل

*الدومينو 

*كونكت فور

*شطرنج

*سلم وتعبان

*العاب بالورق والقلم 

زى لعبه زمان (نختار حرف ونطلع كلمات تبدا بالحرف ده ونقسم الكلمات الى ولد.. بنت... جماد.. نبات.. حيوان... بلاد) 

او لعبه تانيه..(نختار سبع حروف ونحاول نطلع منهم اكبر عدد من الكلمات)