الجمعة، 18 نوفمبر، 2011

بعض الوسائل التعليمية المفيده للاطفال

طبعا كلنا عارفين  الاطفال يحبوا اللعب اد ايه....
دى مجموعة افكار نقدر ننفذها مع ولادنا عشان نساعدهم يتعلموا الحروف والارقام ولما يدخلوا مرحلة الكى جى هتساعدهم يحفظوا الحروف والكلمات بطريقة مسلية بعيدا عن روتين المدارس وكتر الكتابة الى بيزهق الاطفال

1* اللوحة المغناطيسية


وهتلاقوا الحروف والارقام المغناطيسية فى معظم المكتبات او فى محلات اتنين ونص



وممكن نستغل اى علبه معدن  كبيرة عندنا
منها نعمل الحروف والارقام عليها ومنها نجمع الحاجة فبها لما نخلص اللعب زى الصورة دى

********************************************************************
2* اللوحة الوبريه




الادوات المستخدمة :
1- كرتونة نتيجة او اى كرتونة جامدة وطبعا كل ما كانت اكبر بتكون احسن
2- قطعة موكيت اكبر قليلا من حجم الكرتونة
3- لاصق : غرا ابيض او شعلة من عند الموان
4- حروف وارقام ودى بتتباع فى محلات 2.5
5- كوتش : ودة بيتباع فى محلات الخردوات
6- مقص
7- مسدس شمع
الطريقة :
بنجيب اللوحة الكرتون او حتى الخشب وبندهنها ونلصق عليها الموكيت ونسيبة فترة ينشف وبكدة نبقى عملناها
وبعدين بنقص الكوتش قطع صغيرة حسب حجم الحروف او الارقام ونلصق عليها الكوتش طبعا الكوتش بيكون فردتين واحدة خشنة وواحدة ناعمة احنا بنستخدم الخشنة








ودى صور الكوتش المستخدم فى لصق الحروف



 وممكن تجيبوا  قطعة الموكيت وعند اى نجار يعملها برواز خشب
وفى بعض المكتبات الخاصة بالوسائل التعليمية
بتبيع الحروف جاهزة بالكوتشى
**************************************************************
3* الوايت بورد

والاقلام الخاصة بيها بتتباع فى كل المكتبات  باكتر من لون
**************************************************************

يارب  الموضوع يعجبكم ويفيد اولادكم

0 التعليقات:

إرسال تعليق

Template by:

Free Blog Templates