الطريقة الاولى

ده باترون جاهز للطباعه

 بعد ما تطبعوه نقصه

ثم ندخل الاطراف فى بعضها

من الجانب ومن الاسفل

الطريقة الثانية

اطبع الصوره التاليه

وقص أطرافها 

 ستكون بهذا الشكل 

انسخ الفانوس السابق على طرف الورقة، بحيث يكون الخط المتقطع

الأيمن (ـ ـ ـ) من الفانوس على حافة الورقة تمامًا. كالتالي 

: ابدأ بثني الورقة عند الخط المتقطع الأيسر( ـ ـ ـ ) ، ثم كرر

عملية حتى تحصل على شكل يشبه المروحة. كالتالي:

: والآن قص الأطراف الرمادية من الفانوس ، ولا تقص

الأطراف ذات الخطوط المتقطعة أبدًا..

: أعد رسم وتلوين باقي الفوانيس، ثم اكتب داخل

المستطيل الأحمر الطويل عبارة عن رمضان او عن فضل ليلة القدر

اقتراحات لعبارات مناسبة:

(من قام ليلة القدر إيمانًا واحتسابًا غُفِر له ما تقدم من ذنبه ـ )

   

(ليلة القدر خير من ألف شهر، من حُرم فيها الخير فقد حُرم الخير كله)

   

(اللهم إنك عفو كريم تحب العفو فاعف عنا)

(اللهم بارك لنا فيما بقي من رمضان)

(اللهم بلغ أهل هذا البيت ليلة القدر)

كل عام وانتم بألف خير رمضان كريم

نجيب ورق مقوى باى لون

وبعد كده نتنى الورق نصفين

وبعد كده نقص الورق زى الصوره كده

ونحاول نخلى المسافات متساويه

وبعد كده هنفتح الورقه نلاقيها بالشكل ده

نحط الصمغ على الاطراف

نثبته كده عشان يلزق كويس

وبعد كده نجيب لون تانى ونقطع من الورقه على شكل مسطره ونحط الصمغ من الاطراف

وبعد كده نلزقها من الداخل

ممكن ترسموا عليه اى اشكال او تحطوا عليه جلتر زى كده

ممكن

وضع الفانوس حول كوب زجاجي طويل،

و من ثم وضع شمعة بداخله لتضيء الفانوس زى الصوره دى

ودى طريقه تانيه ممكن نعملها بالفانوس

يارب تكون الافكار دى عجبتكم

نجيب جلاد الكراسات  ونتنيه نصفين

وبعد كده نتنيه مرة كمان

ومن الزاوية الخارجية نقصه بطريقة مائلة

على شكل مثلث

وكل ما نقص مثلثين نثبتهم بالدباسة

على شريط رفيع

وبعد كده يطلع شكل الزينه النهائى

ممكن تعلقوها فى اى مكان فى الشقه

 دى مشاركة من احد الامهات

ابنك من عمر سنتين لازم يحس برمضان ..اتجننتى ؟؟!! اخلية يصوم يعنى ؟؟لاء طبعا

بس لازم يعرف ان فية شىء مميز فى الوقت ده فية رمضان

اذاى بقى خليكى معايا

...الفترة دى بالنسبة لينا الكبار محبذ جدا الصيام وخصوصا اننا فى نصف الشهر

بالنسبة لى بدأت اربط ابنى لما يسألنى لية مش بتتغدى انتى بابا اقولة احنا صايميين ..طيب يعنى اية صايمين ؟يعنى مبنكلش ..لية؟علشان ربنا يحبنا بس كدا

ساعة قبل المغرب انادى علية واقوله لما المغرب يقول الله اكبر تعالى قولى علشان احط الفطار علشان نفطر واعمله طبق معانا حتى لو مأكلش واخلية يقعد معانا ويسمع دعاء الفطار

ليلة الرؤية حاولى تطلعى البلوكة وتقولى لابنك تعالى علشان نشوف هلال شهر رمضان طلع ولا لسة

طبعا مش هتشوفى حاجة ولا هلال ولا غيرة الموضوع مش بالبساطة دى بس الفكرة فى حد ذاتها ان نقوله ان فية شىء اسمه هلال رمضان

ونقوله فى وقتها تعالا نقول دعاء رؤية الهلال " اللَّهُمَّ أَهْلِلْهُ عَلَيْنَا بِالْيُمْنِ وَالْإِيمَانِ وَالسَّلَامَةِ وَالْإِسْلَامِ رَبِّي وَرَبُّكَ اللَّهُ"

فية كمان فكرة هايلة خلينا نتفق ان الطفل دنيتة اللعب والاصوات والاضاءة دى اللى بتفرحة ودى اللى بتعمله ربط بالحدث بشكل كبير

ماتيجوا نشترى النجوم المضيئة اللى بيجى فيها هلال ونجوم وفية منها لوب واشكال مختلفة –نفسى الاقى شكل فانوس- ونعلق النجوم والهلال فى الاوضة ونقوله بمفهوم بسيط ان ده هلال شهر رمضان وطبعا ممكن تنفيذ الفكرة على ورقة بيضاء حتى المهم ربط الفكرة فى رأسة بشىء ملموس ومحسوس لية

طبعا مش هاوصيكى الديسكتوب بتاعتك لازم يكون فيها صورة فانوس او هلال رمضان مع صورة الكعبة او حتى تكون مجموعه صور تتغير لان دى بتفرق مع عين الطفل يحس ان فية تغيير

من فترة قلت لكم على موضوع الدعاء مع الاطفال اقعدى فى وقت ليكى ولابنك دا لازم اصلا يكون يومى ان لية وقت خاص بيه معاكى فى وقتك ده قوليلة تعالى ندعى ربنا قول يارب وادعى باللى نفسك فية طبعا هيقول يارب شيكولاتة يارب لعبة عادى دى دنيتة وحاولى قدر المستطاع بعد شوية تجبيلة الحاجة اللى دعا بيها وتقوليله ربنا استجاب لدعائك ورزقك بكذا

بس دا يكون يوميا ف رمضان لازم تخلية يدعى ولو يقول يارب

برضو الاطفال يعنى لعب ولازم نكون مع العصر حاولى تدورى على العاب بسيطة للاطفال على الكمبيوتر تكون فيها بازل شكل فانوس فلاش فانوس بيغنى على الكمبيوتر

http://games.maktoob.com/game-2960

هتقوللى كدا بعدتى عن المعنى بالعكس المهم هو ربط الطفل بشىء كان حلو اسمة رمضان بحيث لما يكبر يكون فى ذهنة ان رمضان دا كان حلو اوى

يعنى وانا صغيرة مثلا كان فى رمضان لازم شوربة حروف عارفيناها اللى هى لسان عصفور وكل واحد منى انا واخواتى بيدور على حرفة ويأكلة بسرعه ونلعب

ولما كبرت شوية فى مرحلة 8 سنين مثلا ال فكراه انى كنت باخذ مصحف ذى بابا وماما وقرأ سورة يوسف بابا اللى كان يقولى لي تحديدا لانها قصة باستمر وباسأل فيها وهكذا

حاولى لو تقدرى لو بيجامة جديدة لابنك فى اول يوم رمضان بس يحس بالفرحة ولعبة صغيرة تقوليلوا هدية رمضان ولو كانت ب3جنية برضو هيفرح ويفتكرها

حاولى طبعا علشان الوقت تجيبى هدوم العيد من دلوقتى وبالتالى توفرى وقتك ف رمضان ودا هنتكلم عنه فى مكانه بأذن الله

لكن قولى لابنك ان رمضان لما يجى ماشى ربنا هيرزقك بهدية جديدة علشان دايما تبقى فاكار رمضان وكل لما يجى يلبس لبس العيد تفكرية بالمعنى ده

عارفيين ليا واحدة صحبتى ذكية اوى ربطت ابنها بالقرآن بشىء بسيط جدا كل لما ابنها يجى يبدأ فى سورة ف الحفظ او حتى يخلصها على حسب تجيب لعبة بسيطة ورخصية وتقوله اللعبة دى علشان حفظت سورة الضحى واللعب دى علشان سورة الزلزلة وهكذا ولما بيحب يلعب بل...عبة منهم بيقولها تعالى نلعب باللعبة اللى جبتهالى لما حفظت سورة العصر وهكذا الولد طبعا كل يوم عايز يحفظ ولو جيتى تشوفى هتلاقى الموضوع ماديا بسيط لكن معنويا بالنسبة للطفل كبير

 

حاولى كل يوم قبل النوم او خلال اليوم تحكى قصة عن الطفل الجميل ....اللى ربنا بيحبة اوى وبيرزقة بحاجات جميلة لانه صام رمضان ولأنة اعطى المساكيين

لما تعملى حاجة للجيران للفطار او السحور خلية يروح معاكى ويفهم ان ده علشان رمضان والرسول علية الصلاة والسلام بيأمرنا اننا نحب الجار بدون دخول فى تفاصيل مجرد اسس بس

بعد رؤيى الهلال بتدأ الاتصالات التلفونية والتهانى

اشركى ابنك فى الموضوع وقوليلة يقول لجدة وجدتة كل سنة وانتوا طيبيين بمناسبة رمضان

كررى على مسامعه دايما رمضان كريم... الله أكرم

اعملى فى اوضتة فانوس من ورق كاتون او حتى من ورق القص واللزق

خلية يحس بالفرحة اوى ف الشهر دة

حاولى برضو تقولى باصلى التراويح امامة طبعا يعنى كل الفاظنا توحى بتغيير بمناسبة شهر الخير

حاولى كدا لو غلط غلطة بسيطة تسامحية وتقوليلة هسامحك بس علشان احنا فى رمضان

كمان في رجاء كلنا طبعا هيكون عندنا بروجرام دينى عالى بأذن الله بأهداف واضحة وخطة ومرسومة بأذن الله لكن الياكى تنهرى طفلك علشان عايزة تقرأى قرآن او ده وقت الصلاة بهدوء حالوى فهمية لو اصر خدية على رجلك او اشغلية بكارتون بشىء بيحبة المهم ميحسش انك رفضاه حاليا بسبب العبادة بل بالعكس لازم يحس انك طيوبة جدا فى شهر رمضان

*************************************************************************************************

جازكى الله كل خير يا ايمان على مشاركتك الراااااااائعه وافكارك الجميله

هذه بعض الأفكار التى يمكن تنفيذها مع أطفالك

 لتشاركيهم فرحتهم بقدوم رمضان :

** فمع قدوم شهر رمضان عليكم تزيين الغرفة تفطرون فيها بالفوانيس

 الصغيرة التى صنعها الأولاد ولونوها بأيديهم .

** مع قدوم شهر رمضان جهزي ورقة كرتون يعلق عليها 30 هلال

 وراء كل هلال معلومة عن رمضان ويقوم الطفل كل يوم برفع هلال واحد

 ومع مرور الوقت وحتى نهاية رمضان يتعلم كل يوم شيئا جديدا عن

 الشهر الكريم ناقشي معهم المعلومات التى خلف الأهلة ،

واحرصي على أن يحفظوا المعلومات .

** ولتعويدهم على الذكر يمكنك عمل أوراق ووزعي الأوراق عليهم

( ورقة كل عشرة أيام ) وهذه الورقة هى عبارة عن 10 نخلات مرسومة

ولكن غير ملونة ليقوموا بتلوينها ، و10 قصور غير ملونة ،

و10 صناديق كنوز غير ملونة ....... ويكتب كل منهم اسمه على ورقته

 وبيني لهم أن على كل منهم تلوين نموذج واحد من كل رسم عن كل يوم

 إذا أدى الذكر المطلوب ، مثلا إذا قال : لا حول ولا قوة إلا بالله

 بلون واحد فقط من الكنوز حصيلة ذكر اليوم ، علقي الأوراق في

 متناول الأطفال لتذكريهم بالتلوين كل يوم .

** في نهاية رمضان يعد الطفل ما حصل عليه في الجنة من نخل وقصور

وكنوز ولا تنسي تذكيرهم بكرم الله سبحانه وتعالى وأنه يضاعف لمن يشاء .

** احرصي على تلوين نموذجك الخاص أمامهم لتكوني مشاركة ومشجعة

لهم ويقتدوا بك .

** في نهاية الشهر اعطي لهم جوائز كل حسب سنه ومواظبته على الأذكار

 وبذلك نكون قد شغلنا أوقات أولادنا بالمفيد وتواصلنا معهم .

** لابد أن تقومي بكل ذلك مع اشعارهم بحبك وقربك منهم وإياك والعصبية

 معهم فذلك سيجعلهم يكرهون ما تقومين به مهما كان مسليا

كل عام وانتم بخير

رمضان على الابواب وعايزين نخلى ولادنا يستمتعوا فى  شهر رمضان وعايزين نساعدهم ونشجعهم على الصوم وعمل الخير
دى مجموعة انشطة ان شاء الله  تعجبكم

والصور دى تقدروا تطبعوا منها 3 نسخ وكل يوم الطفل يصوموه يلون نخلة وكنز وقصر  ونعرفه جزاء الصائم والى بيعمل خير فى شهر رمضان

ودى مجموعة صور للتلوين وانشطة عن الشهر الكريم

طريقة رسم فانوس

وده نشاط ممكن تعملوه بالزراير

ودى مجموعة صور عن رمضان

ودى مجموعة كتب بصيغة pdf  فيها انشطة عن شهر رمضان

الكتاب الاول

ودى صورة منه

http://www.mediafire.com/view/?p2oso6sxd8pba6w



الكتاب التانى ودى صورة منه

https://www.box.com/shared/7o5lme8bkq1ccc2m80ti


الكتاب الثالث ودى صورة منه

https://www.box.com/shared/g7xnpjkmvq

يارب ان  شاء الله تكون الانشطة عجبتكم

وان شاء الله هنزلكم طريقة عمل فوانيس حلوة اووووووووى